انصار: ( دغویی24مه)، د ماشومانو د ساتنې بنسټ یا سېف د چلډرن وايي، په افغانستان کې له تازه سېلابونو وروسته ماشومان بې کوره شوي، وېرېدلي او بېړنیو مرستو ته اړتیا لري.
د دې ادارې د رسنیو نړیوالې څانګې پر خپله ایکس پاڼه لیکلي، چې په بغلان کې د جمعې له ناوخته سېلابونو ګڼو کسانو ته مرګ ژوبله اړولې ده.
سیف د چلډرن وايي، د دوی د اضطراري مرستو په ټیمونو کې ګرځنده کلنیکونه، د ماشومانو د روغتیا او خوندیتوب متخصصان شامل دي.
د ماشومانو د ساتنې بنسټ تېره شنبه ویلي وو، په بغلان کې د وروستیو سېلابونو له امله ۶۰۰زره کسان اغېزمن شوي، چې له دې شمېر ۳لکه ۱۰ زره یې ماشومان دي.
URL تعقيب: https://www.ansarpress.com/pashto/31557
قرأ
